ઇન્ફર્મેશન ટેક્નોલોજી
ઇન્ફર્મેશન ટેક્નોલોજી ખાસ્સી આગળ વધી હોવા છતાં, બહુ જાણીતી અને દુનિયાભરમાં યૂઝર્સ ધરાવતી વિવિધ સર્વિસ અવારનવાર ડાઉન થતી હોય છે. ગયા વર્ષે ફેસબુક, ટ્વીટર, ગૂગલ, ઇન્સ્ટાગ્રામ વગેરેની સર્વિસ આ રીતે ઠપ્પ થઈ હતી. વર્ષ ૨૦૨૩ની શરૂઆતમાં જ માઇક્રોસોફ્ટની સ્કાઇપ, ટીમ્સ અને માઇક્રોસોફ્ટ ૩૬૫ જેવી સર્વિસ ડાઉન થવા સાથે આ ટ્રેન્ડ આગળ વધ્યો છે.
જો તમે તમારા લેપટોપમાં વનડ્રાઇવનો ઉપયોગ કરતા હશો તો તમે જાણતા હશો કે તેમાં ‘ફાઇલ્સ ઓન ડિમાન્ડ’ નામે એક ઉપયોગી ફીચર છે. તેની મદદથી, આપણે જેના પર કામ કરતા હોઈએ ફક્ત તે જ ફાઇલ્સ પીસીમાં લોકલી સ્ટોર થાય છે, બાકીની ફાઇલ્સ ક્લાઉડમાં આપણા એકાઉન્ટમાં સ્ટોર થાય છે. પરંતુ આ રીતે ક્લાઉડ સર્વિસ ઠપ્પ થાય ત્યારે આપણું કામ અટકી શકે છે કેમ કે જોઈતી ફાઇલ આપણે ડાઉનલોડ કરી શકતા નથી. ઉપાય તરીકે, આપણે વનડ્રાઇવમાં મહત્ત્વનાં ફોલ્ડર્સ સતત પીસી પર ઉપલબ્ધ રહે એવું સેટિંગ કરી શકીએ છીએ. જેના પર રોજ કામ કરવાનું થતું હોય એવાં ફોલ્ડર્સ આ રીતે ઓફલાઇન રાખવાં સારાં.
From:https://www.gujaratsamachar.com/news/science-technology/what-is-the-lesson-of-microsofts-cloud-services-being-down
